افرد حُطامك للوجع
هنى اللى فيك عملوا البدع
امشى الطريق وفى منتهاة
افرض بانك مترجع
ودع جروحك للابد
وانفض طموحك عن كمد
اكتم فى بوحك وانتشى
عيل بليد فيك اتولد
اغرق فى روحك من سكات
وانسج عن الماضى حكايات
واحرق جميع الاضرحة
عمّد بريقك بالرفات
الشمس مش هتولفك
والفرحة مش هتغلفك
ارسم وشوشك ع الورق
جّمع فى روحك واصرفك
انت اللى فيك ما بتستحى
بايديك بتسكن مسرحى
معجون بترياق الجوى
مكوى اللى فيك ما بينمحى
لساها صعبة الاسئلة
وانت الكتبا فيك اتملى
شون تاريخك وابتدى
تعرف طريق الأمكنة
ياما الجريح فيك انصلب
مين ع الرمال منك كتب ؟؟!
كل البيبان اتقفلت
مافاضلش غيرك ع العنب
إرسال تعليق