سمعني صوتك يا النغم مبسوط
حدوة حصان بترن
حدوة حصان مربوط
سمعني صوتك وانت ساكت
فيه ناس بتضحك فجأه ماتت
وناس بتبكي عشان تعيش
كرباج ورا مايهمنيش
انا قلبي سكة للذنوب
والذنب الاكبر هو حبك
عشان كده قررت اتوب
واجرح القلب اللي حبك
واعمل علي قلبي دورية وشاويش
دمعتين بقشيش وضحكة حساب
خبط لي قلبك ع القزاز والباب
قام قلبي قال لي قول مافيش
كرباج ورا
فيه ناس بتكدب عشان تعيش
غنويتين واللحن مش لحني
غنويتين يا شيخنا سيد
صوت الغنا بيجرحني
مشا وير وصلنا ولا لسه؟؟
لسه الحكاية نا قصة قصة
رمضان وصلنا السنه دي
ومافيش ف بيتنا ياميش
كرباج ورا
فيه ناس بتسرق عشان تعيش
طبا شير، باشورة
تفاح فراوله ولا موز
وانا قلبي عانس
محتاجله جوز
والجوز بكام؟
اسود وبني
والحلم خاني خلاني شاب عجوز
كرباج ورا وقدام
ليه الشريف ف السجن؟
وليه الحرامي امام؟
" أحمد سلامة_ من ديوان مش فـ اتجاه القبلة "
إرسال تعليق