 |
| الشاعر: محمد خيرالله - كفرالشيخ تو داى - |
◘ سيناريو - مشاهد واقعية - ◘
(1)
عيب المؤلف . . .
إنه فضْل قصته تبدأ فى شقـة
كان يجري ايه . . !
لو وسـع الدايـرة شـويـة
ولـم كُل الشـرقانين ؟
مش عدل أبدًا
يخنق الحدوته جوه أوضـة نوم
علشان سعادته المكتشف
لجمال جسد بنت الذينَ
اللى يادوب دورها فى كُل القصة
تطلع
ع السرير
فالفيلم يطلع بالإيراد
ينهض على ايده إقتصاد
نهضته اللى بصحيح
" نُص حباية فياجرا" !
(2)
الحكمة من إن المؤلف
يتقمص الأدوار تباعًا
هو إنه يدرب الناس ع الفضيلة
ويعود الناس على حبة حاجات
من اللى فى السيناريو
مش ذنبه إنـه بيتفهم
حسب هوانـا وإنتمائنـا
السينما . . . ناس
لحظة ما بتضلم
الشاشة بتشـد إنتباه كُل الحضور
لكن . . .
بيهرب منها جوز
راكنين على أخر كراسي المسرح
فى أبعد نقطه بالنسبة لمسـار الضوء
الفيلم شغال . . من دقايق
وهما برده شغالين . . . !
(3)
غلطة المخرج فى إنه
ساب بتاع النور يضلم "كادر" فاضح
مش فلسفة ولا عادة م العادات
إن الرذيلة بتبقى فى الضلمة
مش عيب تبين فى الحاجات
مادام مؤلف قصتك عدي الحدود
وكسر قواعد مجتمع
بـ " نَص فـاجـر "
فيه عقدة النقص، غلبت عقدة الجمهور !
(4)
عيب البلد دى
إن إحنا بعد الثورة بنادى الإمام
ونفسنا فى "عمر الفاروق"
مع إننا
لحظة ماتعلي أصوات المأذن بالأذان
ولاكننـا سـامعين . . . !
إرسال تعليق