ومين غيرك
مفيش فى الدنيا حد سواك
بيهدي القلب من فضله
ويغفر ليا من كرمه
ويرزق روحي من خيره
ومين غيرك
ف عز الشده بالجئ له
ف العز الحوجه بندهله
واقول يا رب يا واحد
انا عبدك وملك إيديك
ضعيف قلبي بعيد عنك
وبرجعلك ومحتاجلك
يا عالم باللى جوايا
واعلم بيا عن نفسي
واحشنى السجده فى الكعبة
وسبع تشواط مع الطايفين
واحشنى الشرب من زمزم
ورا مقام الخليل صليت
عرفت هناك راحت قلبي
وراحت عقلي م التوهه
وبرده هناك لقيت نفسي
وشفت الدنيا لون الخير
وبدعيلك تقويني
وعن ذنبي تبعدني
فمتسبنيش ولو ثانية
لنفسي واكون بعيد عنك
انا الطمعان ومن عندك
يارب بجد غيرني
وخليني من الصالحين
وعلم قلبي م القرأن
مانا برده مليش غيرك
يا خالق كل شئ فيا
يا قادر ع الهدي والنور
يا نور الدنيا يا ربي
انا عبدك عصيت ونويت
ما اعود لشيطانى من تانى
وبتقرب يارب البيت
يسري النور ف شرياني
وتهديني وتصلحني
وعلى روحي تصالحني
وتغفرى ماليش غيرك
هيغفرلي الذنوب إلاك
يارب إهديني يارب
إرسال تعليق