بعد ماطال الأمد------ع الأقصى فى الغُربة
مستنّى لحظة مدد------وتكون هى الضربة
ويعِدّ ,,ياما العدد----------لو كل إيد حربة
*******
طلع الرجال يهتفوا-------ويسجّل الشُعراء
واهل الصُحف أسرفوا----فى البنط والأنباء
مليون يمين يحلفوا----هيكونوا م الشهداء
******
الأقصى سمع الهتاف------دخل الأمل قلبه
رغم السنين العجاف----مالقاش أحد جنبه
يصرخ ولكن ماشاف--من شرقه ولا غربه
******
وحروب مابين العرب--وبكل دولة صراع
سوق العداوة اتقلب------وبيبدعوه إبداع
واللى زمان اشترانا----دلوقتى صار بيّاع
******
أمريكا يا اهل العرب------حلفت تقسّمكم
علشان عيون اسرائيل---بجنونها تأمركم
آن الآوان تعقلوا—----وتوقفوا حروبكم
*****
مسرى النبى بخطر--إجروا بسرعة عليه
بلادنا ليه تنشطر----وسبب صراعكم أيه
خايف من المنتظر---ويكون آخرنا التيه
إرسال تعليق