سياده المشير
اللى نازل يبارك
أرض الميدان
وناشر جنود البلد ع الحيطان
وناشر جواز السفر على الغسيل
وعامل لى مرضى كفته وعصير
سياده المشير
اللى نازل يغوط فى قلب القنال
مفيش جوا نيلنا الحياة للعيال
ولا فيه جوه منا الا حبه ضمير
سياده المشير
اللى عارف رصيده هيوصل لفين
وشايل غلابة البلد ف العنين
وزارع كلامه على الجبهتين
وراسم لي فرحة ف حضن الرموش
سياده المشير
اللى نازل يوزع على الفلاحين
وطارح كما العرق اللى فوق الجبين
وحلم البنات اللى متيتمين
وشوق العيال ف الحوارى لدليل
انا برجوا منك بلاش الخداع
بلاش اللحن يطلع ف يصبح صداع
بلاش الصورة تطلع فنلقى القناع
اللى وزع علينا المرض والانين
الثورة اللى جايه
دي ثورة جياع
واخر شطوط البلد م الضياع
ف أعرف بإن اللى صدق وأمن
هيرفض مسكن لوجع الصداع
هيرفض يسكن دواه من كلامك
هيرفض يحقق حياته ف منامك
هيرفض تصلي الا أما يبقي إمامك
وترفع دراعك وتزرع أمين
إرسال تعليق