(1)
شيماء في عصر العولمة
والانفتاح
و ( بيجاد ) بقلبه اللي انهبل
بِهواكي باح
بدِّلت درعي بالقلم
وكتبت لِك
سلِّمت لِك
لما امتلك حبك هواه
ودلقت حلمي ف سكتك
حضنك حواه
وآمنت بـ اللي بتعبديه
وحلفت لِك
قلبك دا ملكي
بدون سلاح
يا حلم حلمي
أنا سلسبيلي
مش سبيل
أنا نهر جاري لـ ناحيتك
و آدي دبلتك أكبر دليل .
(2)
كام قرن فارق
في اختلاف الشوق
وانا وانتى ياشيماء
قسمنا جرحنا
قاعدين بنبكى عا الوطن اللى راح
شيماء ياارض النكسه
والنيل والهرم
انا بعت احلامى فى عكُاظ
فـ ا نسحر قلبى اللى محتاج يستحر
وهاجرت وسط البر والموج والصحر
كل الامانى بتنتحر
ولا نابنى غير هوس الطريق
(3)
شيماء خلاص
مابقاش غرامي بيسعدك
حرب الخلاص
هعلنها فيا وهبعدك
وافضل بيجاد
أنا مش بحب المشي لعيونك
ولا كنت شارد
بين جراح الأزمنة
لكني لما لقيت وسيلة تضمنا
قولت أندهك
وألم شمل قبايل العشاق
لكن خلاص
أنا فوق رباع خيمتي
رفعت شعار
مش ناوي تاني أكتب لك الأشعار
(4)
إنتي العشيرة
والأميرة
ومكملة لشبه الجزيرة
شيماء بإيدك زمزمي دموعي الغزيرة
شيماء غيابك عني طول وبزيادة
ضجنان بيشهد إني ردَّت الشهادة
إرسال تعليق